Oia pon en marcha a campaña de recollida de aceite doméstico usado

O Concello de Oia pon en marcha unha nova campaña de recollida de aceite doméstico usado, co obxectivo de mellorar a xestión deste residuo altamente contaminante e facilitar á veciñanza un sistema cómodo e respectuoso co medio ambiente.

O aceite de cociña non debe tirarse polo sumidoiro nin ao lixo convencional, xa que pode provocar atascos nas canalizacións, incrementar os custos de depuración da auga e xerar un impacto moi negativo nos ríos e ecosistemas acuáticos. A través desta campaña, o Concello de Oia quere promover a separación específica do aceite usado e o seu tratamento axeitado, favorecendo a reciclaxe e a valorización do residuo.

A cidadanía disporá de puntos habilitados onde poderá depositar o aceite doméstico previamente recollido en envases pechados. Deste xeito, contribúese a evitar vertidos incontrolados, reducir a contaminación e avanzar cara a un modelo de xestión máis sostible e responsable.

As persoas interesadas poden atopar toda a información actualizada na páxina web: oia.ocaminosostible.gal. Tamén poden contactar a través do teléfono 647 521 464 ou do correo electrónico info@ocaminosostible.gal.

Esta iniciativa conta co apoio da Xunta de Galicia e o financiamento do Plan de Recuperación, Transformación e Resiliencia – Next Generation EU, e forma parte da aposta do Consorcio As Mariñas por un modelo de xestión sostible e de proximidade, implicando á cidadanía na redución e valorización dos seus propios residuos.