Contedor laranxa – Mulleres Colleiteiras
Vai
✔ Aceite de cociña usado
✔ Aceite filtrado e frío, en botella de plástico pechada
Non vai
✘ Aceite de motor ou graxas industriais
✘ Envases sen pechar
✘ Outros líquidos contaminantes
O contedor laranxa é para o aceite de cociña usado. Separalo correctamente evita que chegue ás tubaxes e contamine a auga, xa que un só litro pode estragar miles de litros de auga limpa. Este aceite, recollido en botellas de plástico ben pechadas, ten unha segunda vida: transfórmase en biocombustibles ou outros produtos útiles, reducindo así a contaminación e favorecendo a economía circular.
Que fan co residuo?
O aceite recollido nos contedores laranxas é xestionado por Mulleres Colleiteiras, unha entidade social que promove a inclusión laboral de mulleres en risco de exclusión.
- O aceite de cociña usado recóllese, fíltrase e destínase á produción de biocombustibles e outros produtos de valor engadido.
- Así, evítase que contamine as augas e péchase un ciclo máis sostible.
- Ao mesmo tempo, contribúes a un proxecto con impacto social positivo, que crea emprego e oportunidades para persoas que o precisan.
