A correcta separación dos residuos é un dos piares da economía circular. Desde Permae deseñamos campañas adaptadas a cada concello para mellorar a participación cidadá e reducir os impropios nos diferentes colectores.

As nosas campañas combinan accións de rúa, materiais informativos, formación e acompañamento técnico, con enfoques creativos e participativos. Traballamos sobre fluxos clave como:

• ACEITE USADO
  Instalación de colectores, reparto de envases, charlas informativas e campañas visuais para evitar o vertido polo sumidoiro.
• TEXTIL
  Promoción da reutilización e separación de roupa e calzado, activación de puntos de recollida e colaboración con entidades sociais.
• ENVASES LIXEIROS (COLECTOR AMARELO)
  Información sobre os erros máis habituais, apoio en campañas comarcais e activacións a pé de rúa para reforzar o uso correcto.
• VIDRO (COLECTOR VERDE)
  Campañas para aumentar a separación do vidro, resolver dúbidas recorrentes e promover bos hábitos tanto na cidadanía como na hostalería.
• RAEE (RESIDUOS DE APARELLOS ELÉCTRICOS E ELECTRÓNICOS)
  Charlas, puntos de recollida temporal e campañas de concienciación sobre a importancia de reciclar correctamente os dispositivos electrónicos.
• PUNTO LIMPO MÓBIL
  Divulgación e acompañamento para aumentar o uso correcto do servizo, mediante accións en mercados, feiras ou centros sociais.
• OUTROS FLUXOS
  Adaptamos campañas a necesidades específicas como pilas, cápsulas de café, voluminosos, cápsulas de tinta, restos de poda, etc.

A materia orgánica representa unha parte esencial dos residuos municipais, e a súa correcta separación é clave para cumprir os obxectivos europeos en materia de reciclaxe. Desde Permae aos concellos na implantación e dinamización de sistemas de xestión sostible dos biorresiduos a través de dúas liñas principais:

• CAMPAÑA DE COMPOSTAXE DOMÉSTICA E COMUNITARIA
  Entregamos composteiros, realizamos accións formativas e achegamos materiais adaptados a cada realidade. Acompañamos a veciñanza cun seguimento técnico próximo e accesible, promovendo o uso do compost como recurso local e reducindo os residuos que chegan ao colector.
• CAMPAÑA DE IMPLANTACIÓN DO COLECTOR MARRÓN
  Deseñamos campañas de sensibilización para informar á poboación sobre o novo 5º colector, resolvemos dúbidas frecuentes e animamos á participación cidadá. Os contidos poden combinarse con actividades en centros escolares, stands informativos, materiais físicos ou dixitais, ou accións a pé de rúa.

Os eventos locais son grandes oportunidades para promover a sostibilidade dun xeito visible, práctico e participativo. Desde Permae ofrecemos dúas opcións adaptadas a cada tipo de celebración:

FESTA GALEGA SOSTIBLE

Un modelo integral para festas populares de referencia. Inclúe:

• Diagnóstico ambiental do evento e proposta de melloras.
• Formación e coordinación de equipos de voluntariado.
• Actividades educativas para público infantil, xuvenil e adulto.
• Campañas de comunicación previas e durante a festa.
• Acompañamento para a medición de impactos e mellora continua.
• Posibilidade de selo ou distintivo propio: Festa Galega Sostible.

Pensado para concellos ou outras entidades organizadoras que queren facer da súa festa un exemplo.

ACOMPAÑAMENTO A EVENTOS SOSTIBLES

Para eventos culturais, deportivos, institucionais ou privados que buscan reducir o seu impacto ambiental. Ofrecemos:

• Planificación de medidas sostibles (residuos, enerxía, mobilidade, consumo…).
• Sinalización e comunicación ambiental.
• Formación ou presenza de persoal ambiental durante o evento.
• Avaliación de resultados e propostas de mellora.

Coñecer para coidar. En Permae cremos que comprender o valor do noso entorno —natural, cultural e paisaxístico— é fundamental para protexelo.

Por iso, deseñamos accións que permiten descubrir o territorio desde unha mirada ecolóxica, accesible e transformadora.

ROTEIROS INTERPRETATIVOS

• Percorridos guiados por espazos naturais ou patrimoniais do municipio.
• Contidos adaptados a distintos públicos e idades.
• Enfoque ambiental, histórico e participativo.

SINALIZACIÓN E PANEIS DIVULGATIVOS

• Deseño de carteis interpretativos sobre flora, fauna, xeografía ou historia local.
• Posibilidade de integración con ferramentas dixitais (QR, audio, vídeo).

ACTIVACIÓN DE ESPAZOS NATURAIS

• Deseño de actividades educativas en contornas naturais (limpezas, observación, plantacións…).
• Propostas que promoven o vínculo co territorio e o coidado activo.

CAMPAÑAS DE INFORMACIÓN AMBIENTAL

• Accións para dar a coñecer o patrimonio natural en contornos urbanos ou rurais.
• Materiais accesibles, visuais e personalizados para cada lugar.

A educación é a base dunha sociedade máis consciente, crítica e comprometida co medio ambiente. En Permae deseñamos propostas educativas para todas as idades, adaptadas ao contexto local e aos obxectivos de cada entidade.

Ofrecemos actividades didácticas, participativas e inspiradoras, tanto para centros educativos como para a cidadanía en xeral.

OBRADOIROS E CAMPAÑAS ESCOLARES

• Actividades adaptadas por niveis educativos (infantil, primaria, secundaria).
• Temáticas como compostaxe, reciclaxe, cambio climático, biodiversidade, consumo responsable, etc.
• Materiais propios e dinámicas interactivas.
• Posibilidade de acompañamento continuado durante o curso.

CAMPAÑAS CIDADÁS TEMÁTICAS

• Charlas, roteiros ou obradoiros abertos á veciñanza.
• Espazos de reflexión e aprendizaxe en centros sociais, feiras, mercados ou prazas.
• Adaptación a colectivos específicos: terceira idade, familias, asociacións veciñais, etc.

En Permae ofrecemos apoio especializado aos concellos que queren mellorar a súa xestión ambiental desde unha base técnica, legal e estratéxica. A nosa experiencia permite deseñar solucións adaptadas a cada realidade municipal.

ELABORACIÓN E ACTUALIZACIÓN DE ORDENANZAS DE RESIDUOS

• Redacción técnica conforme á lexislación vixente.
• Inclusión de boas prácticas e criterios de sostibilidade.
• Procesos participativos e campañas de acompañamento.

ESTUDOS DE XERACIÓN E CARACTERIZACIÓN DE RESIDUOS

• Medición real dos residuos producidos.
• Identificación de impropios e oportunidades de mellora.
• Informes técnicos con propostas de acción.

REDACCIÓN DE PREGOS TÉCNICOS DE CONTRATACIÓN PÚBLICA

• Elaboración de pregos para servizos de recollida, limpeza viaria, campañas, etc.
• Integración de cláusulas sociais e ambientais.

DESEÑO DE PROXECTOS AMBIENTAIS E DE XESTIÓN DE RESIDUOS

• Apoio na redacción de memorias e proxectos para convocatorias de axudas.
• Axuste a criterios técnicos e administrativos exixidos polas administracións públicas.